水門雞飯 (豉油街)

营业中

休息中

去旺角行街，顺便系呢边食午餐。我自己好钟意食东南亚菜式，见呢间泰式餐厅好受欢迎，所以慕名而来。呢到可以QR code落单，好方便，套餐搭配汤同饮品，系统都好清楚展示。我拣左水门鸡饭，再加鸡杂，鸡口感唔错，份量算多，配酱汁够惹味，另外加配鸡杂，鸡肾同鸡肠够哂鲜味爽脆。套餐仲配冬瓜汤，有胡椒味，清甜得黎亦够开胃。平时食刺身时我都钟意拣食虾刺身，所以见到有泰式生虾紧系要一试！生虾新鲜爽口，摆盘有特制辣酱料同苦瓜，卖相够哂靓，而且味道好好。另外仲叫左杯龙眼水，满满龙眼果肉，味道够浓，但亦容易入口同解渴！整体黎讲呢到啲食物性价比都好高，值得再去食！