影片
更多
2021-03-20
1320 浏览
湾仔新派泰国菜 𝐑𝐔𝐀𝐌以半露天用餐区为主，布满绿色植物，估唔到闹市之中都会有富热带风情既餐厅。环境相当悠闲舒适 ~ℍ𝕒𝕡𝕡𝕪 𝕙𝕠𝕦𝕣 时段仲有买一送一！同朋友饮返两杯，即刻无晒烦恼⠀▪️柚子虾沙律 $158柚子虾沙律真系超多柚子！柚子juicy，当果香遇上虾酱，香口清甜唔太咸。虾肉弹牙，当中更加有花生碎，令口感更丰富。唯独偶有几粒柚子偏苦涩。▪️红咖哩荔枝烩鸭脾 $198红咖喱香甜带椰奶香。调味啱啱好，唔会太咸。荔枝味就唔太食到，可能佢嘅作用只系令成个咖哩更加香甜？鸭肉质地完全唔柴，亦经调味带咸香。▪️泰式虎虾炒金边粉 $165好钟意呢碟金边粉既质地。金边粉虽然炒得比较湿，但面条依然烟韧有弹性，唔会太淋或者碎湿湿。放耐左金边粉会变得干身，面条质地依然有弹性。虎虾虾肉弹牙，金边粉甜甜酸酸带蛋香，拌匀旁边既花生碎同辣椒粉，食落更加香口惹味~ ▪️泰北咖哩鸡金面 $148咖哩汤底甜甜地，相当浓稠。蛋面挂汁力强，轻易索晒香浓既汤汁。鸡肉肉质软腍，略嫌调味偏淡。特别钟意面层经油炸既面条，香脆既口感，令金面既层次更为丰富。▪️香蕉烤饼配椰子雪糕 $88烤饼虽然淋满医汁，但意外到keep到脆身唔油腻。每
以半露天用餐区为主，布满绿色植物，估唔到闹市之中都会有富热带风情既餐厅。环境相当悠闲舒适 ~
ℍ𝕒𝕡𝕡𝕪 𝕙𝕠𝕦𝕣 时段仲有买一送一！同朋友饮返两杯，即刻无晒烦恼
⠀
▪️柚子虾沙律 $158
柚子虾沙律真系超多柚子！柚子juicy，当果香遇上虾酱，香口清甜唔太咸。虾肉弹牙，当中更加有花生碎，令口感更丰富。唯独偶有几粒柚子偏苦涩。
▪️红咖哩荔枝烩鸭脾 $198
红咖喱香甜带椰奶香。调味啱啱好，唔会太咸。荔枝味就唔太食到，可能佢嘅作用只系令成个咖哩更加香甜？鸭肉质地完全唔柴，亦经调味带咸香。
▪️泰式虎虾炒金边粉 $165
好钟意呢碟金边粉既质地。
金边粉虽然炒得比较湿，但面条依然烟韧有弹性，唔会太淋或者碎湿湿。放耐左金边粉会变得干身，面条质地依然有弹性。虎虾虾肉弹牙，金边粉甜甜酸酸带蛋香，拌匀旁边既花生碎同辣椒粉，食落更加香口惹味~
▪️泰北咖哩鸡金面 $148
咖哩汤底甜甜地，相当浓稠。蛋面挂汁力强，轻易索晒香浓既汤汁。鸡肉肉质软腍，略嫌调味偏淡。特别钟意面层经油炸既面条，香脆既口感，令金面既层次更为丰富。
▪️香蕉烤饼配椰子雪糕 $88
烤饼虽然淋满医汁，但意外到keep到脆身唔油腻。每块香蕉都有超吸引既焦糖脆面，配上带咸味既烤饼，甜甜咸咸，甜腻感比想像中嚟得低。不过焦点都系落系旁边既雪糕，超香椰子味，配搭烤饼一齐食，冷热交融！
One night In Bangkok $98
当芒果遇上橙汁，竟然会饮到菠萝味。cocktail亦带青柠香，相当有热带风情。杯边布有spicy香料，夹埋一齐饮又几特别㖞。旁边附有偏酸既番石榴，食完再饮，可以突岀到cocktail既香甜。我就几钟意呢杯带香料辣味既cocktail。不过真心好睇人，唔系个个啱。整体而言，泰国菜有水准，半露天环境够晒chill，好啱夜晚嚟饮返两杯。不过餐厅定价就较高，人均差唔多四百蚊到~
张贴
