喵一下 (已結業)

观塘工厦多特色Cafe，最近又新添多一间文青森系Cafe「喵一下」！系ig 无意loop到呢间Cafe，见环境好靓好有气氛，即刻就捉咗我个书卷系男友一齐去感受下~ 「喵一下」位于台湾餐厅「小时光」楼上，装修都同小时光有啲似，都系行小时候复古怀旧路线，cafe有好多怀旧摆设，如旧电视，旧钢琴…连啲枱枱凳凳都好有时代嘅痕迹~ 同小时光唔同嘅系cafe有好大面好大面嘅图书墙，同埋室内有好多绿色植物做装饰，令人感觉好似进入咗森林图书馆咁，非常适合下午时光一个人系度放空下~ 食物方面有饭有面有小食同饮品可拣，饭类同面类均配有三个前菜同一汤一甜品，非常丰富~ 🧡烧汁牛肩胛金菇便丼（$98）金菇肥牛卷煮得够惹味，一啖咬落劲多汁，调味啱啱好，超正！ 🧡山药冷面（$78）山药冷面配料都几多料，有紫菜、山药、梨同胡萝卜，都几啱夏天食，清爽唔腻~ 🧡云朵红白火龙果蜂蜜柠檬（$48）棉花糖云朵造型有创意，非常适合打卡！不过味道个人觉得争咗啲，味道偏淡咗少少！ 🧡奶盖水蜜桃绿茶（$38）水蜜桃味好重，奶盖同绿茶中和返，所以都唔会觉得腻！