Iberians (已結業)

之前经过尖东见到一间西班牙菜【Iberians】就已经想试，最近终于有机会试下啦，餐厅情调不错。红甜椒忌廉汤：本身个人唔系好食甜椒，本身怕会好大草青味，点知好特别，微微甜味、又食唔太出甜椒既青味。而且非常creamy。 西班牙吐司：4款topping搭配土司，包括橄榄、番茄、辣肉肠配帕德龙辣椒、蘑菇配虾。一次过可以试晒禁多个味，系一个不错既开胃小食。帕德龙辣椒：本身唔系特别会去食辣椒既人，不过见几特别就试下，味道有少少似青椒，有少少苦味。不过有某几个特别辣，所以要小心。西班牙鸡肉炖饭 ：因为自己对海鲜过敏，难得西班牙炖饭有唔系海鲜版可以试下。新鲜出炉，所以非常新鲜热辣，番茄味都好浓郁，里面有鸡肉同辣肉肠。推荐。安格斯牛小排：牛小排真系好软霖入味，搭配埋D酱汁真系好特别同开胃！薯蓉都好creamy。Sangria White：水果味浓，不过白酒无咩甜味，唔系自己熟悉既味道。如果钟意比较重酒味既应该会比较钟意。