定食 Doraya (已搬遷) 新店位置

12/12 晚，未够6点半，已经坐定定。客人唔多，d侍应妹妹仔仲围埋倾紧计。见价钱唔贵，决定食豪d。叫o左个极上吞拿鱼定食、蓝鳍吞拿鱼扒饭定食，另外再加一个炸虾天妇罗。两个定食先到，先试个汤。简单o既面豉汤，够味足料。再试个蒸蛋，以前响日本食怀石时都食过，咸咸甜甜味道怪怪的。呢道o既蒸蛋，味道比较淡，而且充满蛋味。对日式蒸蛋有新睇法！极上吞拿鱼果然肥美，好新鲜！好惜鱼肉有筋，影响口感。听闻米饭用日本米，果然质感、味道俱佳。蓝鳍吞拿鱼扒都好好味，不过同样都有筋。而可能用唔同o既米，口感完全唔系o固回事。炸虾天妇罗最后到，刚刚炸起，特别好食。虾算大只，而且炸得透彻，味道几好。可能客人唔多，服务算勤快，加茶收碟都做足。