麵麵 (已結業)

市面上有好多专食鱼汤面嘅地方，旺角呢间都好出名食浓鱼汤鱼乌冬，见唔少人都试过呢间，评价都唔错！每款面都可以自己拣配鱼乌冬或者鱼面，套餐会跟埋前菜三小碟同饮品。前菜三小碟: 甜薯仔、紫菜、萝卜。西班牙烟熏黑毛猪浓鱼汤鱼乌冬，食落嘅黑毛猪真系有一阵烟熏嘅味道，唔会好干柴，黑毛猪份量都几多。鱼汤饮落清得黎带鲜味，唔会死咸，鱼乌冬弹牙挂汤，正！烧安格斯牛伴鱼乌冬，呢款系干拌面，面头加咗少少泡菜， 都几香！Fish nachos on the boat，第一次试用鱼皮黎代替nachos嘅食法感觉好新颖，配蕃茄他他同牛油果又出奇地夹！仲有新品推介，黑松露忌廉戒指鱼皮云吞，鱼皮饺配上黑松露忌廉酱配搭好西式，黑松露味唔系好出，唔会盖过鱼皮饺原有味道。