十二味 (LADDER Dundas) (已結業)

油麻地地铁出口行数分钟，餐厅大约可以坐30几人，入门口有好多功夫熊猫图案。Menu有水煮菜式，酸菜鱼，麻辣小龙虾，炸串，煮食包括葱油拌面，炒饭，同埋我必点嘅红糖糍粑。酸菜鱼颜色同香味都值高分，有蒜头椒香，冇乜油份，鱼片份量都好足够二至三人。鱼完全冇骨，加上宽粉吸晒上汤，不到10分钟已经清晒。水煮牛肉香气扑鼻，order小辣都系轻而易举，牛肉滑嘟嘟，睇见都流口水。串烧鱿鱼须，每个order十串，加入孜然粉，好在食物份量唔算太大，否则食唔晒。