今助烏冬御膳 (已結業)

之前食过1次晏昼同夜晚，但最抵食都系午市定食，选择真系几多，价钱又平过夜晚。今日二点几黎食完全唔使等，大把位。第二次黎食都系㨂番佢个牛肉乌冬配彩花鱼生饭定食（$98), 双重满足😍佢个乌冬份量都几大碗，汤底几清甜，有好多葱花同埋d 一粒粒既脆米，不过就唔脆嘅。牛肉都好多，有成十块八块，肥瘦适中，乌冬食到尾都仲系keep 到弹牙，唔错。不过最钟意佢个鱼生饭，虽然细细碗，但鱼生仲多过饭😍材料好多，有带子，甜虾，三文鱼，吞拿鱼，油金鱼，三文鱼子，蛋，青瓜。个饭底仲有鱼干同菇，几特别。食完真系劲饱，好满足。唯一比较差系杯茶，淡到好似水咁。