利寶會館

营业中

休息中

难得放假可以接老婆收工，顺便系附近食埋晚餐先归家，老婆拣左利宝会馆，因为晏就食过觉得有质素。去到见到利宝推出左晚市套餐，有翅有乳鸽食，价钱唔贵，当然要试下。首先上枱系浓汤鸡煲翅，饮落鸡汤香浓清甜，配上一梳梳鱼翅，口感Q弹，份量仲足，有成三两咁多。招牌脆乳鸽外皮炸得脆卜卜，鸽肉嫩滑多汁，越食越惹味。套餐仲包一人一小菜，我哋拣左菠萝咕噜肉同姜葱豆豉鸡煲，咕噜肉外脆内软，配上新鲜菠萝，甜酸度刚刚好。姜葱豆豉鸡煲上枱滋滋声，新鲜热辣，姜葱豆豉相当入味，鸡肉入口嫩滑，美中不足既系份量比较小。主食系鲜虾荷叶饭，食落荷叶香好浓烈，饭粒有咬口之余带点Q弹，配料都好足，食完啱啱好饱肚。甜品系蛋白杏仁茶，杏仁香气浓烈，入口滑溜有蛋白咬口，甜而不腻，相当唔错。