孖寶車仔麵

营业中

休息中

有啲乜嘢开心过食串鱼蛋，食串烧卖？就系有埋肠粉，同埋其他车仔面嘅嘢食啦🤣🤣🤣佢依度居然有肠粉餐，而且有得随便选择唔同车仔面嘅𩠌，不过我就冇谂咁多。净系拣咗啲平时会食嘅嘢，例如鱼蛋烧卖同埋鸡翼，佢哋味道都唔错，鱼蛋系陈皮鱼蛋，然后烧卖都烟韧弹牙，鸡翼都好入味！而我朋友仲叫咗一碗车仔面配住萝卜鸡翼同埋菜，食落都唔错。而且有得拣清汤，腩汁，沙嗲汁等等唔同嘅口味。最后梗系唔少得要一个碗仔翅啦，我哋叫咗墨鱼条碗仔翅，佢嘅墨鱼好弹牙好好食，而且里面嘅配料都好多！最后梗系要返一杯冻豆浆去解解渴啦，佢嘅冻豆浆系支装嘅，所以可以拎住走都好方便！