樂園牛丸大王 (已結業)

今日午饭时间要到旺角中心，乐园就成为我呢餐既选择﹗我一直都唔系「牛丸人」（牛丸爱好者），但听闻乐园的牛丸好出色，旧年同朋友一尝之下觉得直系好好味，至始就爱上乐园既丸类制品，一有时间到旺角我就会黎试佢不同的出品。今次见到呢个鲍鱼猪肉丸，一于试下。年轻的女侍应细心提醒需时比较耐，要有D耐性等下。15分钟之后，鲍鱼猪肉丸黎喇﹗SIZE有成个乒乓球咁大，好犀利。清汤上伴有大量芽叶，不过我觉得个汤太清。猪肉丸真系好大粒，要食多几口先食到有鲍鱼，肉丸有猪肉味却无牛丸咁弹牙，仲有少少软身的感觉。不过咬落去肉汁好多，充满鲍鱼味，粒鲍鱼有半个指头咁大，唔假，应该系真既罐头鲍。同我一样喜欢尝试新奇野的朋友可以一试。虽然我觉得今次呢个鲍鱼猪肉丸食味唔错不过质感就差少少，但系好欣赏乐园不断开招新产品的精神同勇气，会继续支持。