鮨逸

营业中

休息中

多得网上饮食志拍片推介，得知托寿星仔女鸿福，于其生日前后一星期内到临「鮨逸」享用厨师发办晚餐，全单可享八折优惠（优惠期至3月31日为止），周四晚为好友庆生，XO仔请客都深感特别欢欣。楼上寿司屋座落于铜锣湾核心地带，大厦对面就系地铁站，交通方便得很。新店占用面积全层，并无设置私人厢房，步出升降机门即可望到整个用餐大堂内嘅寿司吧位及合并式散座。和式以木为主嘅间隔朴实开扬，窗边可见少许可爱嘅摆设，最抢眼就系天花上与外出蔚蓝天空极为相衬嘅球状灯饰。既然有心要黎食厨师发办，订座时就讲明要坐寿司吧，并确认当真可享网上所提及嘅生日折扣。除咗餐牌之外，寿司吧枱上只摆有自用餐碟及筷子。埋位后迅即有暖手嘅绿茶。清酒项目共有两页，每页下方清楚列明如贵客自携佳酿，开瓶费为$200一樽720ml及$350一樽1.8L。据悉，晚市最受欢迎就系二十五道菜嘅厨师发办套餐（$1,280/位）。其余散点项目则有三页之多。为两口子备餐嘅B师傅忙碌地处理食材之时，先呈上姜片及爽脆开胃嘅渍物。「鮨逸发办」第一式为鲜红清爽嘅「水果蕃茄」，由于糖份较高，所以完全唔觉酸。第二道嘅「无添加水母」晶莹有光泽，咬落爽脆非常，轻轻黏上杯中嘅