鮨鶴日本料理 (已結業)

近来天气太热餐餐都好想食啲凉嘅嘢，同埋另一半近排爱上咗食厨师发板，今日去开湾仔，就试下呢间位置极低调嘅鮨鹤！今晚点嘅系 15种加卷物，每位1200蚊另收加一。前菜有好香滑嘅腐皮，清清的北海道果茄，鲜甜嘅海螺，仲要连佢个肝都食得，仲有原只烧好多膏嘅萤光鱿鱼。跟住就系食刺身，有鲜甜无比的北海道真蚝，爽口弹牙嘅粒贝同赤贝，金目鲷，白虾，真鲷白子，唔腥好滑溜。然后就有多款寿司，包括金鲷，深海池鱼，鲣鱼，牧丹虾，拖罗，赤身，北海道马粪海胆，吞拿鱼蓉等等，款款寿司都细细件，鲜嫩滑溜！食完咁多野，饮返个鲷鱼汤，店员话系用左超过7种鱼煲架，不浓不稠岩岩好，好清甜！最后来一小道甜品，蛮有芝麻香的黑芝麻雪糕作结。成餐饭食左2小时有多，乃难得的休闲用餐，放慢了一下步伐静静享受。