小漁港海鮮舫 鮮蒸‧鮮味火鍋

营业中

休息中

天气开始转凉、所以前晚同朋友订左台一行4人黎左呢间主打蒸气火锅🍲既《小渔港》，哗！黎到都好满场，好好生意！店员比左个menu 地睇，我地就叫左个是日厨师精选套餐，$298/位，周一至周四埋单价杂项全免包括(加一.茶芥.小食），真系超值！店内有个大鱼🐠缸，装修风格都几有葡萄牙🇵🇹阶砖设计。我地等左一阵店员送上一盘好鲜味既刺身拼盘（北寄贝，吞拿鱼，象拔蚌同带子），超鲜甜肥美！😋😋😋 店员将濑尿虾放系蒸炉上，而下面就有生米，瑶柱同南瓜🎃，较好时间一够钟就有得食，而我地就叫左一款小食，避风塘鲜鱿（$68），好多香蒜辣椒🌶️炒好香口，食完就够钟，店员好窝心帮我地夹住放系碟上，帮濑尿虾按摩完食特别鲜甜好味，之后就到蒸大虾🍤，粉丝扇贝同鲍鱼，再蒸圣子，蚬同象拔蚌仔，所有海鲜蒸完鲜味出晒黎，原汁原味！😍到蒸条马友鱼，完全唔腥同唔太多骨！鱼肉鲜滑！终于到最期待既膏蟹登场，蒸完变左鲜橙色好靓！好多蟹膏同蟹肉都好鲜味！最尾到食鸡肉冬虫草乌冬，索晒鸡汁味！宝物沉锅底！南瓜🎃瑶柱粥吸晒所有海鲜汁精华，粥底很棉，食唔停口！个套餐仲有甜品：抹茶🍵和菓子，绿茶味很浓，晶莹剔透！秋冬最佳选择就系又健康唔太热气既蒸气火锅！