薩莉亞意式餐廳 (已搬遷) 新店位置

个标题好似好得意咁，不过点解会发生d咁既事。就下面先讲落去，呢日去都唔算太多人，可能唔系返学既日子啦。蒜蓉意大利包呢个就好迟先到，不过味道都唔错既。好香蒜蓉味，个味好好味，但次次都咁迟黎。薯角呢个系焗既，好明显唔够炸既好食同脆口。不过加d茄汁就好好食，算啦。焗田螺呢个都几好食，田螺就细细粒。不过好香蒜蓉味，就已经唔错啦。西兰花香辣意粉其实就无乜特别，个意粉就辣辣地。不过个味道就淡得滞。牛肉汉堡pizza呢次就好好食，个芝士就拉得好长。个pizza个质感就普通啦，三十蚊就算啦。蕃茄烟肉长通粉呢个就好好食，因为好重芝士味。不过食完就好漏。其实食物就唔错既，不过就后尾就唔系太满意。因为我想冲鲜奶咖啡，我用牛奶冲系无问题既。不过有个肥既女侍应话呢d牛奶系冲咖啡既，你应该用咖啡奶既。哗！我想讲既系，点可能咁既。鲜奶咖啡唔系用鲜奶冲既嘛。点可能用咖啡奶架，都有d sense既。