野郎 Stone x 鰻工房 (已結業)

喺铜锣湾附近行街见到有banner指向内街有呢间有卖石烧牛扒同鳗鱼饭嘅日本餐厅就想试吓。店舖嘅位置比较入所以平时冇咩为意，不过入边装修唔错环境都几靓。今次食午餐我选择咗食鳗鱼饭加少少钱转定食（加左汤、腌萝卜、温泉蛋）。鳗鱼饭个卖相好靓，佢饭有豆粒、紫菜丝同蛋丝喺度，配埋只温泉蛋捞埋啲蛋汁真系好好食好香蛋味。佢啲鳗鱼烧得好脆真系外脆内软，每啖食落口都好𩠌饭。不过个饭嘅份量唔大，女仔食就够嘅，运动量大嘅男仔就未必够啦。餐厅lunch我见有推出其他好似Pepper Lunch咁嘅铁板炒饭，价钱都平民，啱晒想食lunch又唔想太贵嘅时候选择。有机会下次想试吓石烧牛扒。