The Point - Pizza & Pasta (MegaBox) (已結業)

上次喺megabox 行街見到呢間餐廳個龍蝦餐好吸引，一問之下，原來每間分店每日只係提供 10 個龍蝦煲，需要預先訂，我地就即刻book咗，約好過兩日再黎食！期待咗兩日，終於再一次黎到。先來個頭盤，鮮蝦牛油果芒果番茄莎莎。一個好fresh嘅配搭，酸酸微微特別開胃，不得不讚嘅係上面果隻蝦真係好爽口鮮甜！龍蝦湯都好足料，唔錯。主菜黎喇，原隻新鮮波士頓龍蝦海鮮煲配扁意粉，真係同圖片一樣係連煲上，好大份，好震撼！龍蝦好好食，蝦肉鮮甜，除咗個身，隻鉗都好好肉！另外仲有藍青口，大蜆，魷魚等海鮮。另外加咗個北海道帶子鮮蝦pizza，呢個pizza好令人驚喜，材料新鮮份量足，而且餅底焗得好香，鬆脆煙韌，好啱我口味！飲品方面，本身跟餐有青蘋果梳打，但我想飲熱野，所以點咗杯lemon ginger，又幾好味，飲落好舒服。朋友話青蘋果梳打都好fresh好好飲。