一風堂 (德福廣場) (已結業)

夜晚约左朋友食晚饭，打算食日式，就行左去德福呢间一风堂。一入去见环境装修唔错，空间都几大，中间有一张长枱，左右两边有就卡位座位。当时时间尚早，空位算多，我同朋友两个就被安排坐系近门口既卡位。睇完餐牌，我点左一个鳗鱼石头锅饭，朋友就点左一碗横滨家系豚骨拉面。原来个鳗鱼石头锅饭系迷你版既，比起一般见到既石头锅饭细一半。鳗鱼上有芥末同紫菜，加上个酱汁，食落条鳗鱼更好味。系石头锅上，啲饭、蛋同酱汁捞埋，饭味更香，仲有啲饭焦，唔错。呢个饭量对我黎讲足够，对男生黎讲，份量就略少了。朋友对于个拉面算满意，有两片叉烧，一只溏心蛋，面质软硬度适中，但汤底偏咸。