ABC餅屋 (已結業)

是日喺office听到同事讲ABC既鸟结糖几乎系全香港最好食既！讲到咁夸张，又点可以唔试下？于是二话不说，立刻放低手上工作，走落去买左盒返黎同同事分享。舖头既糖喺size方面分为大（56旧）同埋细（14旧）。大包装既packing非常精美，应该系for送礼用既，如果自己食的话其实细包都已经OK！一放入口，果然名不虚传！攞上手果个moment已经感觉到有好浓烈既牛奶味，就好似细个食果D大白兔糖咁香咁滑。由于每一旧都用左牛油纸包住，糖同糖之间唔会痴埋一旧之余攞上手后更加唔会有「立痴痴」既感觉，咁细心直得抵赞！花生非常之松脆，咬既时候非常crunchy之外重有淡淡既果仁味道，口感极正！最重要既系，D糖唔会好似坊间既鸟结咁甜到呕。甜度适中刚刚好不特止，食完唔会口渴之余更加唔会「淡mou mou」乜味都冇！以$24蚊可以有14旧糖既价位，绝对物超所值。除左澳门既车厘歌夫之外，我相信呢度既鸟结糖一定系我食过最好味既！