鳥語 (已結業)

成日见到ig好多人去E间鸟语打卡, 除左环境不错, 另一打卡位就系佢嘅野食, 虽然系过左lumch time但都人流满满, 店员安排车车坐左系近窗嘅梳化位置, 有阳光照入嚟几舒服, 车车点左两个lunch set, 一上枱已经心心眼急住打卡, 每set都会有个蚬面豉汤, 一份前菜, 沙律同卷蛋, 一个富士山造型嘅饭同𩠌, 份量都相当足, 令车车十分期待 🌟脏脏朱古力(热)满泻哂嘅朱古力特别诱惑, 饮落极浓系极浓厚朱古力味, 口感有少少浓稠, 超正🌟榛子朱古力奶配悬浮棉花糖棒子朱古力奶上面有只好可爱嘅悬浮棉花糖猫猫, 打卡一流, 榛子味道香浓, 口感几滑🌟蜂蜜芥末和牛粒和牛牛味好浓郁, 食落口感软腍, 酱汁相当惹味, 超好𩠌饭🌟原只大鱿鱼大鱿鱼真系好大条, 未食已经闻到好香, 食落爽口弹牙几好味