滷府 (已結業)

行经卤府，见到招牌有只老虎，几型格有气势，望入去可以见到色泽均匀嘅卤水鹅，都几靓仔新鲜，仲有大大只嘅卤水肾，肝，掌翼等，好吸睛🤩 好耐冇食卤水鹅，就买盒外卖返家同屋企人share食。慢煮卤水鹅片饭 $88鹅片鲜嫩柔软，卤得入味，唔会盖过鹅肉鲜香味，鹅皮爽滑，不错。加$5要了麻辣卤水，唔会太辣，不会和卤水味互抢，都几特别。另外仲比埋卤水汁你调味，唔够嘅自己加，仲有酸酸嘅醋汁比你点卤水配料，味道提升去另境界。每个饭都有半只卤水蛋，千层腐皮几重豆香，同脆卜卜嘅咸酸菜一齐食，几醒胃。😋仲有个外卖包装都几型，店主都几有心思。