隨變火鍋

营业中

休息中

今日黎到登龙街食饭，见到呢个熟悉既名字，随变鸡煲。就咁上左黎食啦😁一开始会有小食，凉伴秋耳口感不错👍🏻系自助酱料区仲有得添食😋一开始我地叫左啲串烧，羊肉同牛肉串都烧得刚刚好，肉质松软，味道都好好。之后有烧鸡皮同多春鱼，多春鱼烧得刚刚好，唔会好干，同埋佢地都好大条。另外鸡皮烧到脆卜卜，油脂饱满。最后我地仲叫左牛舌心，系我今晚觉得最好食既野，牛舌大大片，但好软熟又不失弹性，系我食过最好食既牛舌之一。接著落黎到主角，鸡煲煲底好大个，鸡肉煮到刚好熟，鸡胸依然弹牙唔会柴，洋葱好甜，成个煲味道浓郁。食完煲鸡打边炉当然要叫肥牛啦，呢到肥牛好多选择，但我地今日决定叫特级本地牛，口感一流，肉味充足，厨师仲同我地讲，每日入货量少，保证日日新鲜。手打墨鱼丸雪白烟靭，好弹牙呀。即炸响玲，浸汤一流。呢到仲有多款蔬菜，皇帝菜等比较少见既都有。食左一阵呢到都爆晒场，见到吧枱都有人坐，以为系食下串烧饮下生啤，点知原来个个位都可以叫鸡煲👍🏻总结呢到店员服务态度积极，环境整洁，串烧系意想不到既美味。 临走时见到10点后入座仲有85折！ 值得一试。