龍華軒咖啡室 (已結業)

星期五谂唔到食咩好，女朋友话谂起我之前鸡翼放题想试，咁就打电话去订位。可能系仲未过晒新年，今日都唔算太多人。上到去，先嗌金盏花菊花茶，好香好好饮。然后每款鸡翼嗌半份(4只)，耐心等候片刻就有得食。煎鸡翼一定要趁热食。四款鸡翼其实都唔错嘅。本身最期待嘅蜜糖鸡翼又无想象中咁好食，不过不失。女朋友钟意蒜味，但蒜香鸡翼又未至于想突然翻嗌。我觉得椒盐鸡翼好惹味，好夹热辣辣嘅煎鸡翼。女朋友就钟意香草鸡翼多啲。嗌咗两次四款鸡翼各半份，之后再嗌香草+椒盐鸡翼各4只。仲有花茶好抵饮，加水两次都仲有味。食咗咁多都系$249, 真系好抵。