影片
更多
2019-08-13
331 浏览
已经超过十年冇食过味千, 因为之前响唔同地区食过两次, 每一次都系fd叫食呢间, 但每一次我都觉得好难食, 好劲碱水味, d面又淋, 价钱又唔系特别平, 所以已经十多年black list左佢, 但见佢到今时今日都仲未执, 而且咁啱知道佢呢期有韩式炸鸡拉面, 心思思想试, 于是胆粗粗试第三次, 希望唔系狼来了.................呢间分店不嬲都冇乜人帮衬, 所以都唔心急去, 不过惯咗放假早食饭, 所以都系六点左右去到, 到食完都系得小猫三几只, 所以两个人都比你坐4人卡位.............佢食物选择唔多, 拉面同饭得几款, 仲有十款八款小食同饮品, 所以其实都叫做冇乜选择, 咁都好, 起码冇咁伤脑筋谂食乜, 都系叫去到边度新舖都要试的猪软骨同埋为咗佢先嚟的炸鸡拉面, 另外再加多一款小食~唔知系咪又讲环保, 唔叫都唔会比水, 真系得水啰~ 呢间好似系日本餐厅, 但竟然冇茶, 只系得水, 连港式茶记都有茶啦~ 盐烧冰鱼老公比冰鱼呢个名吸引咗, 话唔知咩叫冰鱼, 所以就要叫嚟见试一下, 其实真系唔平, 廿几蚊先得两条, 仲要睇相都睇到条鱼可以用串烧果支竹签串住, 即系大极
呢间分店不嬲都冇乜人帮衬, 所以都唔心急去, 不过惯咗放假早食饭, 所以都系六点左右去到, 到食完都系得小猫三几只, 所以两个人都比你坐4人卡位.............
佢食物选择唔多, 拉面同饭得几款, 仲有十款八款小食同饮品, 所以其实都叫做冇乜选择, 咁都好, 起码冇咁伤脑筋谂食乜, 都系叫去到边度新舖都要试的猪软骨同埋为咗佢先嚟的炸鸡拉面, 另外再加多一款小食~
唔知系咪又讲环保, 唔叫都唔会比水, 真系得水啰~ 呢间好似系日本餐厅, 但竟然冇茶, 只系得水, 连港式茶记都有茶啦~
盐烧冰鱼
盐烧冰鱼
22 浏览
0 赞好
0 留言
首先, 冰唔冰鱼我就唔识分, 都系鱼, 肉质都唔会话好散或好实, 适中咁啦~ 只不过我系识分咩叫盐烧咩叫炸啰~ 好明显佢系将条鱼掉落油镬炸, 而唔系盐烧, 唔知商品说明条例可唔可以告佢? 唔似人地d日本餐厅同你慢慢烧, 咁如果你做唔到, 就直接叫炸冰鱼咪算啰~ 始终炸同盐烧系两种风味, 最多盐烧你用机烧唔系炭烧都讲得通, 但变咗炸, 始终感觉不一, 非常失望...........
猪软骨拉面
猪软骨拉面
5 浏览
0 赞好
0 留言
拉面比印象中好咗, 冇煮到一pet嘢, 亦都冇碱水味, 系有进步~
汤底对我嚟讲实在太咸同太油, 根本饮唔出佢系用咩煲出嚟?
炸鸡篮拉面
炸鸡篮拉面
8 浏览
0 赞好
0 留言
不过好彩个炸鸡篮够吸引, 因为有十几条薯条、2只鸡翼、2旧鸡球、2只鸡锤, 除咗面头洒咗芝士粉, 另外仲有一碟芝士酱, 啱哂我地呢d钟意食芝士的人~
由于我地坐正厨房出面, 所以望到厨房入面的情况, 睇住佢响雪柜拎出嚟再捞粉浆炸, 新鲜热辣辣又够脆卜卜, 觉得仲好食过炸鸡伯伯果d~
唔知之前d人系咪食七味粉同用牙签太劲, 成张枱系冇摆呢d嘢~ 但我见佢放咗响柜入面, 而且仲有纸巾, 但全部都唔会主动提供, 就算叫佢比牙签, 都系拎两支比你, 驶唔驶做到咁呀?
其实如果唔系见到佢呢期推出炸鸡篮, 而又令我有兴趣, 我真系未必会再比机会佢, 其他明眼人都睇得出, 佢由以前好多分店到而家得返零丁几间, 仲要响一城商场入面都冇乜人, 可想而知咩事啦~ 经过今次, 虽然好似有少少进步, 但绝对吸引唔到我惯常咁帮衬, 除非好似今次咁有特别推介, 如果唔系都冇缘再见..................
张贴
