梅光軒 (已結業)

收工唔想食太饱，去超市旁食店食一人晚餐，拉面店嘅柜台几大，光猛干净，收银旁已放咗餐牌，拣好落单，再揾位坐低，我唔想四围行，所以坐在向厨房嘅高椅！两个男店员煮好就上菜！我问食物嘅问题都好乐意答！不过饺子只净芝士味，而且等好耐先上！拉面到咗20分钟先到！（睇手机时间）太耐盐味野菜拉面（$88）卖相唔错！ 好多𩠌！青椒好生！所以仲保持到鲜绿色，红萝卜粗身，一样比较生（唔系硬到咬唔到，系有咬口，唔系淋嘅）竹笋就淋身！加上白葱丝同好多芽菜，芽菜爽口！无草青味！蔬菜类爽口！不过汤味道入唔到蔬菜，汤底唔算出色，盐味汤底唔够味（配料都淡味，汤底又无味）又唔够浓（盐汤都可以好香浓架）加咗啲肉碎！曲身幼面少许弹牙！最终都比汤汁拖低了分！芝士饺子（$42）本来想叫普通饺子，店员话只剩呢款！等咗好耐！面都食咗一半先来，饺子底好大块脆底黏住！反转见到饺子内有芝士！皮烟韧，半溶芝士好浓味，同平时日式饺子唔同！问咗店员，佢教我半份醋同半份酱油捞埋做汁（佢话日本人系咁样食）脆底太厚，5只饺子好难分开！味道系几好！如果饺子要耐，可以差不多出饺子时先出面！咁感觉上会好啲！不过超市食店又好难咁样要求！店员虽然后生，竟然几有