影片
更多
2020-07-20
19 浏览
平时甚少到奥海城食饭，6月个阵见佢泊车优惠咁抵，天气又开始热，就决定试下去奥海城揾食。嗌咗两个𩠌，加一碗冬阴功汤河粉，一共都系$300 ，价钱都算系化算。睇吓佢个餐牌，价钱同出边嘅泰国餐厅相比都差唔多，其实佢嘅食物种类都几多，不过页数都唔少，所以我只系影咗一啲我有嗌嘅页数出嚟俾大家睇吓。泰式盐烧乌头：呢条鱼想出枱嘅时候真系超有惊喜，因为条鱼嘅份量都唔细，加上真系睇得出佢系用盐烧，所以等咗咁耐都觉得值得。拆开咗个鱼皮之后，见到啲鱼肉出咗鱼油，然后夹开啲鱼肉就发现条鱼都几新鲜，食落去有香料味，鱼肉系「一疏疏」，完全冇「梅左」嘅口感。（识食鱼嘅人应该会明我讲咩😂😂）呢条鱼我真系比90分！冬阴功海鲜汤河粉：整体来讲呢一碗汤河粉值75分，汤底系唔错嘅，唯一逊色少少嘅系啲配料。不过份量同味道去睇嘅话，性价比系唔差嘅。泰式炒椰菜苗：我去亲泰国餐厅基本上食菜一定系要食椰菜苗，呢一间嘅椰菜苗都炒得唔错，食得出有火喉，同镬气，可能我嗌左小辣，基本上冇乜啦，可能要叫返少少律师会更加惹味！总结来讲，呢间泰国餐厅系可以encore嘅。不过要留意番餐厅因为系半露天，所以如果入边坐满左嘅话呢，就要坐喺出边露天位啦。
嗌咗两个𩠌，加一碗冬阴功汤河粉，一共都系$300 ，价钱都算系化算。
睇吓佢个餐牌，价钱同出边嘅泰国餐厅相比都差唔多，其实佢嘅食物种类都几多，不过页数都唔少，所以我只系影咗一啲我有嗌嘅页数出嚟俾大家睇吓。
泰式盐烧乌头：呢条鱼想出枱嘅时候真系超有惊喜，因为条鱼嘅份量都唔细，加上真系睇得出佢系用盐烧，所以等咗咁耐都觉得值得。
拆开咗个鱼皮之后，见到啲鱼肉出咗鱼油，然后夹开啲鱼肉就发现条鱼都几新鲜，食落去有香料味，鱼肉系「一疏疏」，完全冇「梅左」嘅口感。（识食鱼嘅人应该会明我讲咩😂😂）
呢条鱼我真系比90分！
冬阴功海鲜汤河粉：整体来讲呢一碗汤河粉值75分，汤底系唔错嘅，唯一逊色少少嘅系啲配料。
不过份量同味道去睇嘅话，性价比系唔差嘅。
泰式炒椰菜苗：我去亲泰国餐厅基本上食菜一定系要食椰菜苗，呢一间嘅椰菜苗都炒得唔错，食得出有火喉，同镬气，可能我嗌左小辣，基本上冇乜啦，可能要叫返少少律师会更加惹味！
总结来讲，呢间泰国餐厅系可以encore嘅。不过要留意番餐厅因为系半露天，所以如果入边坐满左嘅话呢，就要坐喺出边露天位啦。
张贴
