Deer Kitchen (荃新天地) (已結業)

好耐未试过嚟到荃湾拍拖仔喇，劲开心去食西餐。最开心系有蚝食！$10一只生蚝，最少叫半打。我地两个人就叫半打啦！本身想饮白酒，但系要叫够一打，先可以+68配两杯白酒，今次得同男朋友两个，又好似食唔晒咁多就冇叫。叫左一个二人晚餐($438/2人)，一个要是日餐汤，一个要是日沙律。餐汤原来每日都唔同，今日系西兰花忌廉汤，非常creamy。沙律系我中意食ge黑醋汁。慢煮纽西冷牛柳伴香煎砵酒鹅肝 (+$108)牛柳因为系慢煮所以好淋身，鹅肝当然系我最爱。呢个牛柳仲要系配紫薯蓉，所以都几特别。海鲜意大利饭意大利饭都好creamy，饭就少少硬身，我自己就觉得几有d咬口。个饭好足料，啖啖都系海鲜。最后我叫左粉红 Pinky Pinky ($48)，有grapefruit，男朋友就叫左三色世界，两杯都几Fruity。