新金榮小廚

营业中

休息中

新墟麒麟径两旁有好多大排档，住咗喺元朗八年都只系试过两三间，今日过开嚟呢头揾食，又揾一间嚟试下。受害于疫情嘅关系，晚市只能够买外卖；但系另一方面亦都系受惠于疫情嘅关系，宜家喺新金荣小菜外卖自取有八五折，姐姐好细心咁样包得好靓，仲配上好多酱料，难得拎到返屋企都仲系热热地，发泡胶盒保留到应有嘅镬气，为冬日带嚟一丝暖意。驰名卤水鹅，卤水鹅卤得入味，系非一般嘅入味，鹅肉软嫩，好耐无食过咁高质素嘅打冷，垫底有卤豆腐同花生， 卤水花生用嚟送啤酒一流 ，点埋随附打冷必备嘅蒜蓉辣椒酸醋，无敌。菠萝咕噜肉，咕噜肉炸得够脆身，拣咕噜肉唔拣生炒骨就系想入口啖啖肉，新金荣嘅咕噜肉肥肉唔多，更加见食，味道酸甜，十分开胃，配菜有青椒、红椒、菠萝同洋葱，好多人都视之为下栏摒弃，但系我就钟意用佢地同啲肉夹住食，so refreshing。避风塘粟米， 大排档嘅避风塘系列最能够表现出功架。新金荣嘅避风塘系列除咗应有嘅炸蒜、辣椒同香葱之外，仲有炸米粉，炸米粉令到整个菜式份外酥脆，粟米嘅清甜，夹埋炸蒜辣椒嘅惹味，佐酒一流。西兰花虾仁花枝片，虾仁够哂大只又够爽， 花枝片火喉啱啱好， 少少弹牙，又爽口， 点埋虾酱更添咸鲜香气。