黑麥 (已結業)

呢日同男朋友仔系尖咀行完街，谂爆头都唔知食乜好，你知啦．．要系尖咀揾个环境清幽又唔太贵又好食既餐厅好难～～最后都系番去天后揾食！呢间黑麦我已经去过ｎ次，次次都系同屋企人去，今次要介绍比男朋友～每人嗌一个set dinner，因为３个set都有我唔食得ge野，最后唯有叫set １<大虾三文鱼茄汁扁意粉走虾>，加多廿几蚊有个包同埋餐汤，呢度既餐汤好有心机去整，但无论南瓜汤、蕃茄汤定系蘑姑汤都系一般．．．今次系蘑姑汤，好香蘑姑味，但系做得太"鯹"，完全系一阵草青味．．．不过佢只系配角黎姐，无伤大雅～意粉出场，男朋友既<白酒汁牛利长通粉>出奇地好食，我以为白酒汁一定会好抢鼻啦，原来ｄ白酒可以去左牛利既"苏"味，d汁食落仲甜甜地，好香，长通粉刚刚好，好弹牙！正呀！之后到我既<走虾意粉>，我好怕食茄汁意粉得个酸字，但呢个意粉用左ｄ干蕃茄去做，唔太酸，好香蕃茄味，三文鱼切粒煮得半生熟，肉质好滑，意粉都系岩岩熟，唔会林哂，又唔会好似"te"果d咁硬。最后最后---主角就系d餐包，外脆内软，搽左ｄ蒜蓉牛油上面，好食到不得了，黑麦味好香，一试难忘！！呢度ｄ咖