麻辣川米線

营业中

休息中

好耐都冇嚟食了，上一次已经好耐之前，记得系几好味，今次再嚟帮衬。今次嗌咗个麻椒汤底米线，三个𩠌包括金菇,鲜鸡丝,蚝油花胶。我十分欣赏个汤底配埋啲米线，个汤底够晒浓味，好香好麻，啱晒我呢啲重口味嘅人，至于啲米线非常有咬口，系我喜欢食𠮶种。不过奉劝大家拣辣度嘅时候要小心，我拣咗中辣，平时好食得辣嘅我，都食到个嘴肿晒！😂 不过其实老实讲，我觉得啲𩠌系麻麻地，唔算好出色，个蚝油花胶直头系失望，因为花胶系最贵嘅𩠌，要加成13蚊，但系份量好少 ，又硬又干，一啲都唔好味，食一啖已经唔想食，同深水埗任你点车仔面差天共地。虽然啲𩠌麻麻哋，但系只计个汤底同米线，都值得我畀好评。