四川担担麵 (已結業)

成日都好似无乜胃口咁，冧晚餐食乜嘢好，冧左我成晏啦。无胃口，咁就食辣野系啦，辣起嚟仲会无胃口的话，咁就证明自己可能系病左要稳医生既啦！！！讲起食辣既，我中意川菜麻辣，因为距真系麻得嚟又好鬼死过瘾，胃口都会跟住大增！呢间四川担担面，嚟食过好几次啦，好中意距呢度既麻辣，麻到你永远记住距。呢度老板娘系正宗四川人，好食原因应该就系呢个够正宗距个店面唔系大，但系环境却好舒适，灯光好柔和，大大既餐牌扒系个墙度，够晒清楚明了。食过几次，都系觉得距个招牌四川担担面最正，呢次就点距，加个凉拌海带丝。四川担担面，店员话呢个主要系煮既过程要注意一点：开水后要加翻D凉开水，再落面条之类的，咁做系会令到D面够弹牙。怪唔得我平时自己煮唔出啦，原来系咁。距D猪骨汤底好浓，相信系足料熬出嚟既。凉拌海带丝，都麻得好正，食到我D汗系咁飙出嚟，鼻水系咁流！！！ 拿拿声饮返杯热柠茶解下辣先，话说解辣要饮热既，冷既系解唔到辣的。食完，方知原来自己唔系无胃口，怕且就系想食辣既嘢！！ 唔使去探医生