黑布小巷 (木蘭苑) (已結業)

中于去到最近好热门的黑布小巷🫶🏻我哋今次系买外卖返屋企食～ 我哋三个人每人拣咗一款吐司～额外再加做一个古早味冬瓜茶同埋台式卤肉饭～ 吐司真系好多款唔同嘅口味！我哋叫咗台式肉蛋芝士吐司，烤鸡腿蛋吐司，麻辣鬼椒慢烤鸡腿蛋吐司🍞有芝士冇芝士，同埋麻辣都俾我哋试匀晒～ 咁就知道边一款系我哋嘅最爱啦！我哋食左冇芝士嘅烤鸡腿蛋吐司先～ 个烤鸡腿真系几滑下～ 加埋流心蛋一齐食其实都几Juicy! 怪唔之得会成为最近嘅热门啦～ 因为真系几好食跟住我哋就食台式肉蛋芝士吐司啦～ 啲芝士溶埋落去个吐司加埋肉一齐食真系口感一流！因为有几个层次喺你个口里面咬下咬下！加上芝士真系几香浓！我最钟意嘅就系食麻辣呢一个吐司！麻辣鬼椒慢烤鸡腿蛋吐司佢系有少少微辣微辣咁样融合咗喺个烤鸡腿入边，好似有啲沙律酱又好似有蛋混合左一齐咁！𠮶个麻辣微微咁深着你个口度～真系比较少吐司会有呢一个味道！台式卤肉饭都好好味，啲饭几好咬口，胀卜卜同埋啲卤肉一齐好入味！台式冬瓜茶都唔错！清清地几好饮！