麻辣娘子 (新都城中心) (已結業)

今日行开将军澳呢边行街，见到呢间川菜好想试下。店内挂满晒红灯笼，好有中式感觉。晚饭时间都算多人，坐低左之后见好多枱都有点脆皮小豆腐，我地一定要试下呢道。另外我地仲order左四款（啫啫鱿鱼须，川汁皮蛋，川式口水鸡，蒜泥白肉）同埋呢度有台式饮品呀，平时最钟意饮架喇，一于试下佢先。脆皮小豆腐真系一定要试！啱啱炸起好脆而且皮唔厚，豆腐好滑，加埋啲炸蒜好香口，细细粒好易食，啱啱好一口size啫啫鱿鱼须一上枱就闻到好香，啲鱿鱼份量好多，好抵食，鱿鱼啱啱好，唔韧，啲配菜都好好味，洋葱仲系甜架川汁皮蛋皮蛋唔系平时黑色𠮶只，系黄金皮蛋，加埋佢地嘅酱汁好惹味川式口水鸡好大碟呀，鸡件每旧都啖啖肉，超级抵食，我地叫左中辣都唔算太辣，啱啱好蒜泥白肉薄切猪腩肉上面有大量蒜泥，啲蒜泥完全无颗粒感，磨得好幼细，唔错，啱晒钟意食蒜嘅朋友另外点左两杯台式饮品（阿里山）花好月圆入面有桃胶，桂花，桂圆，杞子，成杯都好足料，每啖都好满足，点左少糖啱啱好黑糖珍珠炭烧乌龙奶茶朋友点左半糖，甜度适中，珍珠都煮得软硬适中，好好饮