麻辣風雲 (京都廣場) (已結業)

最近见到好多人都推荐呢间川菜，今晚同朋友去试一试。以紫黑色为主调， booking 都多，走嘅时候已经差唔多坐满人。麻辣鱼皮＄68好香麻辣味！鱼皮滑嘟嘟，满满胶原😋黑松露烟熏溏心蛋$68糖心蛋我就真系成日喺拉面店都会食嘅，烟熏味非常浓郁，香气扑鼻!香辣茶碟炒虾$188虾肉鲜甜弹牙，将茶叶炸到香脆配合辣椒、葱和芫茜等食材一齐炒，惹味之余仲有啲茶香味!自选干锅自选干锅有四种口味可选，有葱爆、重蒜、香辣和麻辣，辣度亦可按自己接受程度选择。我哋点咗莲藕片，牛片，牛柏叶，豚肉，枝竹。豚肉及牛肉片非常滑身爽口，味道不错。