麻辣派對 (瑞生酒店) (已結業)

都好一排冇食麻辣嘢啦，今次食呢间麻辣派对，之前未食过，但系经过一路都想试。餐厅环境非常有特色，布置用心，好似啲婚宴场地咁样，昏暗的灯光再加埋大枱，坐落都几舒服。酸菜鱼 (⭐⭐⭐⭐💢)嚟得呢间当然系食酸菜鱼啦。佢呢度鱼嘅款式都几多，佢有重庆铜盘烤桂鱼或者水煮系列。以水煮系列为例，再分唔同嘅味道，例如有鲜椒味、蕃茄味同埋酸菜味。我就拣咗最典型嘅酸菜味，有唔同嘅辣度，由于新手入门，所以叫咗BB辣，味道都可以接受，一般人都应该不成问题。鱼方面亦都有唔少选择，例如有江团、黑鱼、桂花鱼、剥皮鱼同埋最贵嘅极上安格斯牛肉。我哋拣江团，因为侍应推介话比较香滑。另外仲可以加辅菜，不过我哋见水煮鱼份量都好大喇，所以就冇需要。酸菜鱼有唔同嘅配料，除咗鱼之外，仲有水晶粉、蒟蒻、酸菜、芽菜，味道非常香浓，远远已经闻到一阵麻辣嘅味道。叫水煮鱼当然要有啲嘢送喇，见个鱼味道都好浓，我哋点咗白饭，鱼配白饭一流。另外仲有啲家常小炒，本来想试，不过惊食唔晒，所以都冇点。款式其实都几多，有辣有唔辣。饮品 (⭐⭐⭐⭐💢)嘢饮方面，叫咗冻蜜语水果茶，38蚊，另外仲叫咗支冻嘅道地冬瓜茶，谂住冻嘢比较有助解辣。甜品 (⭐⭐⭐⭐💢)原来