麻辣風雲 (京都廣場) (已結業)

”麻辣风云”呢个名斋听好似一本小说名咁，估唔到系一间餐厅。所以我哋一于就试下系咪真系咁有剧情啦✌️佢枱面上真系有架风云船仔几得意，船上有个古代人，船上亦有支旗写住麻辣风云，真系好似去左佢个故事入面咁🤣试左几个小菜，首先黎个自选干锅，可以自选唔同配料。上面布满好几条原条辣椒，辣度十足。啲肉同啲配料都几入味，配合埋个辣度咁样几惹味。🍲另外当然唔少得招牌菜酸菜鱼。本身都好钟意食酸菜鱼，呢度嘅酸菜都唔错，酸酸辣辣咁好易入口，鱼肉亦都新鲜嫩口。🐟大家都钟意食牛肉所以就嗌多咗个姜煸牛肉。其实我觉得佢卖相都好吸引，红红绿绿咁。闻落去都已经好香，食落又唔韧，非常鲜嫩，充满肉汁。🐂