養心殿台式養生鍋 (已搬遷) 新店位置

早前我系养心殿吃过一次后一直对佢麻辣汤底念念不忘， 所以决定同朋友又到旺角食我最钟意既养心殿。虽然上次去系他们的荃湾分店，但估不到旺角呢间既装修都系差不多，同样都走古代中国风，而且坐位亦一样舒服。汤底当然要照旧食尽两款，拣鸳鸯啦！上次食过麻辣锅锅，我们都好喜欢，所以今次当然再次叫呢锅。除此之外，我们还试左宁神养心锅。宁神养心锅主要有天麻、当归、鲜鸡、鲜鱼、猪肉等制成；汤底好鲜甜，又带有少少胡椒的香味。汤料都非常丰富，药材多之外，入面仲有乌鸡和大大个鱼头。麻辣锅，今次叫左中辣。跟上次一样超香浓足料，而锅内还加入了鸭血和冻豆腐，鸭血相当滑身又带有少少QQ的口感，配上麻辣锅来吃别有一番风味，冻豆腐可以完全有吸收麻辣锅的精华!手切牛肉 (细)手切牛肉细份都好大碟，而且非常新鲜，口感松化加上好重牛味，同时又唔会太油腻，好正！响铃热辣辣脆卜卜，拖一拖就食得手工黑松露虾丸拼云吞，手工丸鲜打质数高。杂锦蔬菜盘里面有粟米、杂菌、娃娃菜同唐生菜，每一款都好新鲜，特别喜欢粟米够清甜。爽甜莴苣蜂蜜苦瓜汁，同系台湾街边饮既一模一样咁正