皇子印度餐廳 (海富樓)

营业中

休息中

话说以前食过一次呢间餐厅觉得几好食，决定今日再嚟探访。我由将军澳特登走去西湾河食尼间期待已久嘅印度菜，但系今次竟然大跌眼镜。set lunch价钱唔算平，不过烤饼可以免费添加都算系咁。套餐有一杯茶或者咖啡，主食，烤饼/饭,同埋是日汤。扁豆加番茄前菜汤唔系咁好饮，只有蕃茄味道冇乜特别。garlic nann反而有惊喜，份量几大份，递上枱面依然香脆,有阵阵蒜头香。但系paratha 千层饼都几难食，完全冇酥皮香，反而又硬又韧，好难咬开，而且唔够热，好似放咗一段时间。奶油鸡同平时食嘅味道有啲唔同，冇咗𠮶阵玛莎拉香料味，而且唔够香甜， 有失水准。 里面嘅鸡块有少少炭烧鸡香，但比较偕身。 同佢价钱唔成正比。咖哩牛腩味道比较港式，但系几好食，甜甜地咁。牛腩味道都几香，但系嫌有啲韧，难以咬开。而且野饮都几难饮，本身叫咗杯红茶，讲咗几次佢都系畀咗奶茶我。 朋友杯红茶饮落好似茶胆我自己杯冻奶茶味道淡。