新德里餐廳

营业中

休息中

我同先生都好钟意食印度菜，成日都去重庆大厦同其他地方食咖哩。重庆大厦就有三四间都食左成十几年，见有网路红人拍片去呢间新德里食我地又未帮衬过就试下。上到黎冇乜人，睇餐牌价钱唔贵。之后越嚟越多人就开始要搭枱，但就冇搭到落我地果张所以都坐得几舒服。因为唔算太肚饿所以叫得唔多野，结果野食我地都觉得below average。叫左一个薄脆，两只咖哩角，牛油鸡，羊肉，烤麦饼。薄脆佢再焗过黎都脆口，但个dip比较淡。咖哩角好细粒，而且好新鲜热辣辣，但可惜好淡唔够香，入面啲薯仔好淡色冇乜香料味。我落楼下商场买件整返热仲好食。牛油鸡同羊肉就正常发挥，唔特别好食都唔差。不过香蕉同芒果lassi好味顺带一提个老板态度麻麻地，俾钱时话冇收加一好抵但最好俾多啲不过就「up to you」，找钱时一路同第二枱讲野一路背面反手塞个钱箱俾我，可能见我地冇特别叫咩贵嘢啦。总括，唔会再帮衬，如果钟意清淡可以一试，但清淡口味不如唔好食印度菜。态度亦都系咁耐试过最麻麻。