越一越南牛肉粉專門店

营业中

休息中

下午同朋友走上黄大仙的环凤街个头，因为市中心只有大商场连锁店，又贵又闷，所以发掘下周边小店。环凤街离地铁站5分钟左右，系一个老香港的旧区，好多平民小店食肆，是我最爱的香港风味。今次食既餐厅店面光猛整洁，坐得舒服，午餐时间门口都有人排队，幸好仲有二人位，一到就有得食。我们叫左越一火车头汤河和香茅牛肉捞檬，朋友个碗火车头真系好大碗，有牛丸、生牛肉、牛筋、牛腩及牛柏叶，好多料，对牛之爱好者真系十分满足的选择。香茅牛肉捞檬呢个牛肉好入味，而且肉质好林，配上淡味D既粉真系好味，因为夏天太热，都唔太想食得太HEAVY, 所以呢个真系盛夏之选。越式小食都是必叫之选，呢个凤爪真系好正，卖相已经好吸引，味道酸酸辣辣好开胃，而且冇骨，食起来更加正!!跟餐只需加$22我地又加左$26食呢个虾饼，好厚身而且新鲜炸起，好脆而且配埋捞檬食，更加好!在餐牌见到呢个饮品，觉得好得意，所以就点左试下，名堂叫倒立忌廉柚子沙冰，酸甜的夏日特饮，好满足呀!呢个真系今日既惊喜之品，下次再来都一定要再饮至得。