一起果醬 (已搬遷) 新店位置

个日系盐田仔出番西贡，见时间尚早，打算系西贡揾下cafe食下野chill下。当日好多人，咁啱一起果酱唔洗等位，我地就黎试下啦，因为我地都未食过。因为我地又唔想食得太full，所以都无试佢哋嘅all day breakfast同egg benedict。于是我地叫左个果酱九宫格多士同果酱雪糕，因为个日实在太热，所以一心叫d冻野舒服下。果酱九宫格顾名思义有九只味，包括玫瑰苹果，玉桂苹果，桂花雪梨，木瓜雪耳，蛋黄菠萝，热带风情，杂莓，香橙，芒果。虽然望落好似差唔多但系食落只只都有惊喜。玫瑰花茶平时饮得多，但系玫瑰苹果味真系好正。你可以幻想佢系一只带有清香同甜韵嘅香水，食入口清新，系一种你会想一啖接一啖嘅味道。一场嚟到一起果酱，我极力推介大家食呢个九宫格多士，可以一次过试晒唔同嘅果酱，钟意边只可以买返屋企。另外我哋拣咗果酱雪糕，我哋选择左热带风情味，雪糕带有奶香，入口好棉滑顺口，而热带风情果酱有百香果同菠萝嘅香味，有一种酸酸甜甜嘅感觉，但系我就觉得有少少太甜啦。但呢个雪糕组合起炎炎夏日绝对超级解暑。