客家人

营业中

休息中

今日嚟咗客家人食饭，由于自己本身都系客家人，所以对呢一种客家味都觉得好地道，好熟悉。由于疫情关系，所以餐厅都算宽敞，枱与枱之间都有一定嘅距离。我哋坐低叫咗一糊普洱，服务都算过得去。我哋叫咗一个焗三蔬，用葡汁焗，再加上少少芝士，下面系西兰花、菇、西芹等等。葡汁几香，拎嚟送饭系几唔错。再之后叫咗个菠萝生炒骨，生炒骨嘅系有弹性嘅猪肉，连埋菠萝一齐炒，一啖肉一啖菠萝系几唔错。黄酒煮鸡汤系我一个好期待嘅菜式，嚟到嘅时候，黄酒味好浓，里面有齐当归、云耳等等，饮落嘅时候非常香，鸡多，但唔够滑嫩，可以加强一下。成餐饭买单$500 ，总括而言，这里的客家菜，风味够地道。