博多一幸舍 (已結業)

十一黄金周既第一日，好开心周围好少人，去到登龙街，就算Jamie's kitchen都唔多见到人排队，不过今日想食拉面，本身想食豚王，不过尖沙咀果间愈来愈唔好食，铜锣湾呢间唔想试，所以食对面呢间声称自己博多黎开店既拉面。入到去一个人都冇，我地包场咁😂可能因为铜锣湾封晒路，所以呢区少人黎。有个好浓妆既姨姨黎招呼我地，最搞笑系佢叫我地出去门口拎coupon有野送，原来系一碗面会送一样配料、咁都ok wo,因为加蛋都$12，而家唔使钱，正👍我叫左「原味」，试一间野最好试原味，先知间野值唔值得番转头，所有野我都系拣普通，个汤响「普通」既情况下唔油，唔会太咸，个人觉得ok,叉烧同拉面就真系好「普通」（我明明叉烧冇拣普通架😰）不过，送果只溏心蛋真的系令我叫左出黎，真系好好食😭食左一啖真系癫覆左我有生以黎食过既溏心蛋，又入味，又岩岩好（可唔可以教下我整😂）朋友就叫左拉面红🍜，佢话麻麻，另外佢仲叫左明太子饭，佢形容「好似呀信食咁，得少少𩠌，好空虚」😂笑左，一睇相都知唔得啦另外，可乐送黎果时我都哗左，好大杯，正确黎讲系好大个杯😂后尾睇到系普通一罐，点解针落个杯会好似咁大杯咁既？PS:差唔多食完开始有客，