光榮冰室 (鴻威大厦)

营业中

休息中

点餐时候有个带眼镜嘅男职员帮我落单，我话要葱油鸡扒三眼蛋饭，可能我带口罩讲野佢听唔清楚。之后我睇到张单写左普通葱油鸡扒饭(B餐），我就同佢讲番我系要葱油鸡扒三眼蛋饭（E餐)。佢话我头先叫葱油鸡扒饭。我话我想要葱油鸡扒三眼蛋饭。佢话B餐都系葱油鸡扒饭。我就唔系好明点解佢唔明我其实只系想叫佢转番做E餐姐。咁我讲多次我想要葱油鸡扒三眼蛋饭，佢先好不满咁拎走张单去改。我都系想食个饭姐，唔明点解要受气。其他女职员就nice嘅。系呢个哥哥仔唔知做乜咁燥。食物就普通水准啦，份量足料嘅，男仔都好够食。不过三眼蛋就有一只变左熟蛋。鸡扒就似系炸嘅，皮好脆但系啲肉就有啲老。冻柠茶就放低嘅时候都已经无冰咁济。杯野系室温嘅。期望质素可以有改善啦，我都希望多啲有质素嘅黄店不负香港人嘅支持。