Sodam Chicken (已結業)

近排呢个黄金咸蛋炸鸡好hit，我哋一行5个女仔，决定要试。什么什么减肥，热气，下次再算啦！其实我订位𠮶时，聼电话个人冇同我讲得90分钟用餐时间。。。我同一位朋友先到，冇办法，坐底咗先，唯有我哋发办叫住野食先啦！唔谂其他人要咩，我哋决定先叫个二人套餐，再加多一份炸鸡，同埋另外再叫野饮。二人套餐：黄金咸蛋炸鸡(无骨)+芝士薯条+墨鱼仔辣炒年糕+饮品2杯 $398另外加咗个双重芝士炸鸡$175 同埋叫多两杯饮品。芝士薯条薯条比较普通，我们想象芝士会是流/溶在薯条面。估唔到系芝士粉。但是胜在够热辣辣，作为前菜都ok!墨鱼仔辣炒年糕年糕炒得够烟韧，墨鱼仔份量都算ok，另外仲有大大块鱼糕片。辣味适中，好开胃。黄金咸蛋炸鸡(无骨) 分量黎讲，我估都有8件。每一件都沾满咸蛋炸粉，咸香十足。炸鸡块冇骨，咬落非常脆口， 而鸡肉嫰滑多汁。啖啖肉。好正。双重芝士炸鸡呢款我哋都叫咗冇骨（我哋实在太懒啦！）。芝士粉有啲似薯条𠮶只。朋友们都中意。同黄金咸蛋炸鸡一样，鸡炸得好脆，里面鸡肉嫰滑多汁。唔错！饮品蜂蜜柠檬绿茶甜橙梳打柚子梳打野食黎讲，鸡炸得好脆，肉质多汁又够嫰滑。重点系冇骨。啱晒我。但系环境方便，地方细，比