影片
更多
2016-06-29
2028 浏览
上次朋友仔因工失约我们说好的川菜，今日终于夹到时间一齐食喇，决定试小甜甜。早几日已致电订台，不幸地我突然迟收工而要将订台时间压后 30 分钟，接电话那位阿姐语气恶劣又劲悔气，无礼貌 ﹗朋友仔保持不败记录，出左几次街都依然 100% 迟到率，而且还有几次放飞机未计呢 ﹗其实一早已上网睇定 menu 亦决定左要食咩，不过都要重温几次，睇下有咩特别野想食先。我一入门口见大把位，但侍应示意我坐近门口那几张，我心谂大门开开闩闩好热架㖞，不过局住坐啰 ﹗其后先发现直入最里面还有几张台，点解要我坐门口度热呢？最初计划食泡椒鸡脚、夫妻肺片、麻辣鱼春鱼卜煲、麻辣韮菜鸡红、炖汤、水煮桂鱼片、奇味鸡煲、焗蚬、麻辣鸡子煲、麻辣鸡煲或奇味鸡煲，但恐怕食唔晒，先叫住一半先。野生椒泡凤爪，叫住碟前菜食住等，损到停唔到口呢，朋友仔再唔到就比我食晒架喇 ﹗冰凉凤爪外皮爽弹，少少肉非常有咬口，微辣带酸带咸好开胃，捞埋汁不停啜好鬼正。损到中途朋友仔终于到步，叫支青岛齐齐啤啤去啦 ﹗花旗参炖乌鸡汤，估唔到话咁快就到，滚热辣送到，肥仔侍应温馨提示小心好热呀，赞 ﹗开呀，鸡汤香气四溢，芳香飘飘，食欲大增。旁边的失温鸡红即时被比了
朋友仔保持不败记录，出左几次街都依然 100% 迟到率，而且还有几次放飞机未计呢 ﹗其实一早已上网睇定 menu 亦决定左要食咩，不过都要重温几次，睇下有咩特别野想食先。
我一入门口见大把位，但侍应示意我坐近门口那几张，我心谂大门开开闩闩好热架㖞，不过局住坐啰 ﹗其后先发现直入最里面还有几张台，点解要我坐门口度热呢？
最初计划食泡椒鸡脚、夫妻肺片、麻辣鱼春鱼卜煲、麻辣韮菜鸡红、炖汤、水煮桂鱼片、奇味鸡煲、焗蚬、麻辣鸡子煲、麻辣鸡煲或奇味鸡煲，但恐怕食唔晒，先叫住一半先。
野生椒泡凤爪，叫住碟前菜食住等，损到停唔到口呢，朋友仔再唔到就比我食晒架喇 ﹗冰凉凤爪外皮爽弹，少少肉非常有咬口，微辣带酸带咸好开胃，捞埋汁不停啜好鬼正。损到中途朋友仔终于到步，叫支青岛齐齐啤啤去啦 ﹗
花旗参炖乌鸡汤，估唔到话咁快就到，滚热辣送到，肥仔侍应温馨提示小心好热呀，赞 ﹗开呀，鸡汤香气四溢，芳香飘飘，食欲大增。旁边的失温鸡红即时被比了下去，静蝇蝇又冷冰冰。
研究完炖汤 menu，向侍应阿婶查询炖汤份量有多少架？够两个人吗？够两碗吗？阿婶话饮多饮少好难讲㖞，而且又有好多汤渣，应该无两碗呢。我左谂右谂，决定叫一个睇睇有几大盅先，好采无听您个阿婶吹水乍，有成四碗水有多，另加碗半汤渣，险些儿叫两个汤呀 ﹗
个盅紧系热呀，免强可以黏住拿起倒汤汁进碗里乍。汤底清彻，味道香浓，清爽乌鸡味道含畜带鲜，不油不腻。花旗参味甘又突出，温柔不呛，甜美可口 ﹗我自己连饮三大碗呢，好好味啊 ﹗饮到全身发滚，出身汗，爽乎 ﹗
韮菜鸡红，见食评赞不绝口梗系要试试。韮菜老而不嫩，质地粗糙有涩味，半点菜甜味道也没有。我硬著头皮食左几大口，最后都要放弃。室温鸡红？失温鸡红？唔热那会好食呢 ﹗个汁是否麻辣汁来的？淡如水般，实在令我非常失望。
幸好刚刚有个麻辣鱼春鱼卜煲在旁，立即将全数鸡红掉落辣汤之中，希望能起死回生啊 ﹗哗，奇迹出现喇，化腐瘤为神奇 ﹗鸡红经过滚烫烫麻辣汤洗礼之后，彷如不死鸟火凤凰一辉重生喇，嫩滑无比又热腾腾既鸡红，散发著刺激麻辣味道，水润得黎又够浓味，非常美味可口，正到震。
水煮桂花鱼片，铺面全部是桂花鱼片白雪雪，吸引又美观，非常正确。夹起鱼片结实不易散，蜻蜓点水般沾沾辣汤入口，鱼片弹弹但非常淡口，汤汁不辣不麻只是油腻感强烈，而且鱼片虽弹但带轻微鱼腥味道。更遗憾不怎么打鳞，真系食到一口都系。何解要掉埋鱼骨鱼头一齐煮呢？唔想浪费？我叫桂鱼片，并不是原条㖞。
骨碎多又有鱼骨鱼尾鱼头，大豆芽出奇地有渣。垫底薯粉碎湿湿，大啖食大豆芽连薯粉送入口，劲多花椒粒、鱼鳞、骨碎要吐返出黎，食得好唔方便。依道菜完全失败，除左卖相靓外，无什么可取之处，又贵又难食。
焗蚬，差点儿忘记要试添 ﹗侍应叔叔送上，亲手将钖纸剪开，一缕轻烟随即喷出，弥漫著芬芳海蚬气味。立即试味，超肥美弹牙、香鲜可口，海水咸香带著蒜蓉及青尖椒味味道袭来，精采万分，非试不可。
麻辣鱼春鱼卜煲，如无意外我因该系为左依个煲而外，第 2 既就系鸡子煲，但今晚似乎无咩胃口，所以只可择其一喇。等到颈都长，万众期待既主角终于出场喇，幸好无令我失望啫。
鱼卜炆到如胶似漆，胶到彷如花胶劲黏劲滑呀 ﹗还索得香浓麻辣汤汁透彻，嫩滑多汁，正好啪啪声呢，一二三四旧不得地掉入口，话知您热到𩙪眼水，实在太美味啊 ﹗够麻又够辣，正正正 ﹗只是鱼春就有点强差人意，虽然非常香口，不过偏干鞋的质感令到分数大减。垫底的青瓜及萝卜带涩味，麻麻地。
麻辣炒土豆丝，朋友仔想食菜，但有趣地选择薯仔啰。不够爽又不够甜，粉而湿又偏腍，蒜蓉味强烈，辣味食不到，麻亦不出，太过淡口呢。
野生椒泡凤爪
66 浏览
1 赞好
0 留言
花旗参炖乌鸡汤
42 浏览
0 赞好
0 留言
花旗参炖乌鸡汤
27 浏览
0 赞好
0 留言
花旗参炖乌鸡汤
21 浏览
0 赞好
0 留言
韮菜鸡红
43 浏览
0 赞好
0 留言
水煮桂花鱼片
32 浏览
0 赞好
0 留言
水煮桂花鱼片
24 浏览
0 赞好
0 留言
焗蚬
24 浏览
0 赞好
0 留言
焗蚬
37 浏览
0 赞好
0 留言
麻辣鱼春鱼卜煲
55 浏览
0 赞好
0 留言
麻辣鱼春鱼卜煲
181 浏览
0 赞好
0 留言
麻辣炒土豆丝
68 浏览
0 赞好
0 留言
题外话/补充资料：
食剩左两道菜侍应阿婶突然跳制，仲要黑脸比说话我听，话我好浪费，早知食唔晒您地就唔好叫咁多 ﹗阿婶您系咪傻左呀？您估我真系食唔晒咩，唔好食是否要直接同您讲呢？费事您尴尬乍 ﹗
入得口既都全部食晒，剩返两碟最难哽架啰 ﹗炖汤、焗蚬、泡椒凤爪好味道，转眼清晒。韮菜涩带苦不甜，我食左三四啖放弃，鸡红室温完全唔想食，好采试试掉落麻辣汤中滚住食，即时变得劲好味，全部鸡红食晒 ﹗
水煮桂鱼片，鱼片虽然有点腥，不过都全部清晒，鱼腩我都食埋，只系剩返垫底既鱼骨鱼头大豆芽捞薯粉，满口碎骨又有鳞又有渣点食啫 ﹗粉口不爽劲蒜土豆丝食剩左 3 份 2，放弃。
朋友仔去完洗手间返到黎，不知道刚才既故事，建议我带埋两碟𩠌走，还掂我落酒吧可以转赠其他朋友试试，见朋友出到声叫打包，好啦。
(以上食记乃用户个人意见 , 并不代表OpenRice之观点。)
张贴
