摩登士丹里 (已結業)

摩登士登里喺屯门龙门居有店，最近有朋友告知元朗亦有分店，有部分餐点同龙门居店一样，好似之前试过嘅芋圆甜品。新开业关系，加上晚上到访，客人唔多。外带形式，仲有啲饮品系列，主打怀旧经典港式饮料，分奶茶、鸳鸯、红茶/绿茶、梳打、原茶，跟随热潮，亦有手炒黑糖系列。黑糖系列分珍珠冰、仙草冰，设有少甜，不设走冰，分中、大杯装。黑糖珍珠冰 $25/M虽然名叫珍珠冰，实质亦系黑糖珍珠奶，见店员先将黑糖扫于杯边，尽量做番清晰纹路，卖相合格。珍珠约1/3杯，份量不少，拎上手微温，搞匀前直接饮到底会有好浓郁蔗糖味，唔系我喜欢嘅类型，搞匀后甜味消失得无影无踪。珍珠本身唔入味，口感偏腍身软糯。味道唔系太自然，有少少似荳奶，整体一般。