竹園海鮮飯店 (已結業)

黑衫四眼男经理服务简直一流, 见高拜见底踩! 完美展示双面人.事缘系咁我今日1点去攞枱咁酒楼等枱本身好合理，咁我攞咗飞一路等，一路见到有人出嚟，但系一路有迟过我哋嘅人一路入去 , 咁系我等到1:30 我入去问呢个经理 点解一路有迟过我哋嘅人俾我哋早入去. 呢个经理竟然同我讲 前面有10几张订枱，订枱客人系优先. 咁我同佢讲我都明白，咁我问佢仲有几耐可以入， 佢同我讲仲有一张就到我哋， 好咁我信多佢一次， 结果梗系冇令你失望 呢个时候嚟咗个佢嘅熟客(我估：一嚟到就叫晒咩太咩太) ，结果一有客走有枱即刻安排那位小姐入座. 我当场即刻行入餐厅走去同个经理讲 又话下一张到我哋 结果呢？ 结果就系佢又同我讲订枱优先. 跟住我话佢喺餐厅门口同佢争论 结果即刻有枱 终于搞到两点终于可以入座，仲要张枱一早Set Up 好根本就有空枱. 谂住留俾佢啲熟客.其实自问每一两个礼拜都嚟帮衬， 一路都知呢个经理系有问题，但其他员工服务质素其实好好 食物水平亦唔错 ，所以一路都冇乜嘢但系就系呢个有问题嘅经理，搞到我今日忍唔住要打这篇文章.希望你来唔会遇到呢啲咁嘅嘢同埋唔好俾呢个经理service 你咁就冇问题了。