銘翠軒餐廳

营业中

休息中

已经唔系第一次帮衬呢间野，无办法因为近，有时真系贪方便，不嬲都知道呢间野冇服务态度可言，但系今日实在太过分，所以真系要花啲时间帮佢宣传下。话说今日叫咗外卖自取，有一个猪扒包配西多士嘅下午茶餐，去到嘅时候啱啱见佢到𠮶啲糖胶落去，但系同个猪扒包放埋一齐，我问阿姐可唔可以比张纸隔一隔，讲咗两次，包紧野个阿姐+收银𠮶个都当听唔到，收银𠮶个仲要格住口罩都见到佢黑面，好似我得罪佢咁，我好声好气问你，得定唔得 有定冇 都讲一声丫，佢哋真系够胆死应都唔应你，果下真系火都嚟！返到屋企，个包当然系浸晒糖胶，平时我通常系买比屋企人食，今日见咁嘅情况就揭开个包望吓，哗！块猪扒都好好刀功㖞，切到纸咁薄，仲要劲细块，另外一个薯条餐啲薯条系碎上，好多都系细细粒炸到㶶晒食唔到嘅。