影片
更多
2011-11-26
31 浏览
突袭过后, 当然系食甜品, 而甜品呢样野, 当然系大声强项, 加上喺佢自己地头同埋早有准备, 就带住肥邓, 串爆同吹鸡去到呢间食店前, 大声话呢间食店系新开的, 加上好评如潮, 所以点都要试下! 去到门口再望下个餐牌, 啲食物都几吸引, 不过其实当时都已经食到几饱, 忽然就听到以下对话……肥邓: “串爆, 不如share一份啦!”串爆: “好㖞…”大声突然插咀: “你地share啦, 我自己要一份! 呢一段对话发现大声突然间仿似小孩子一样天真, 一点霸气都冇晒! 之后就一齐入去食店, 坐低后就睇下有咩吸引先, 最后肥邓同串爆就要左口爽爽, 当然系两个人分一份啦, 至于大声就拣左红绿花, 吹鸡就柯打左黑咕噜! 口爽爽主要系凉粉配西米露, 而红绿花就系绿茶雪糕配豆腐花, 虽然两款都冇试过, 不过卖相真的非常精致, 斋睇都已经极吸引! 至于黑咕噜就由朱古力雪糕配上咖啡果冻, 再加上朱古存脆脆, 卖相一样精致非常, 入口发觉咖啡果冻嘅咖啡味劲香, 果冻软熟, 朱古力雪糕嘅朱古力够香, 不过最特别莫过于朱古力脆脆, 怕因入口真系卜卜脆, 喺成个甜品咁软熟中竟然有少少脆卜卜嘅东西, 份外得意, 唯
去到门口再望下个餐牌, 啲食物都几吸引, 不过其实当时都已经食到几饱, 忽然就听到以下对话……
肥邓: “串爆, 不如share一份啦!”
串爆: “好㖞…”
大声突然插咀: “你地share啦, 我自己要一份!
呢一段对话发现大声突然间仿似小孩子一样天真, 一点霸气都冇晒! 之后就一齐入去食店, 坐低后就睇下有咩吸引先, 最后肥邓同串爆就要左口爽爽, 当然系两个人分一份啦, 至于大声就拣左红绿花, 吹鸡就柯打左黑咕噜!
口爽爽主要系凉粉配西米露, 而红绿花就系绿茶雪糕配豆腐花, 虽然两款都冇试过, 不过卖相真的非常精致, 斋睇都已经极吸引! 至于黑咕噜就由朱古力雪糕配上咖啡果冻, 再加上朱古存脆脆, 卖相一样精致非常, 入口发觉咖啡果冻嘅咖啡味劲香, 果冻软熟, 朱古力雪糕嘅朱古力够香, 不过最特别莫过于朱古力脆脆, 怕因入口真系卜卜脆, 喺成个甜品咁软熟中竟然有少少脆卜卜嘅东西, 份外得意, 唯一扣分就系略甜少少, 如果可以减少少甜度, 相信必会更吸引!
总括黎讲甜品质素都颇佳, 甚为吸引, 环境清静, 地方唔算大, 价钱唔算贵, 每一份甜品都唔过三十蚊, 埋单七十四, 都几抵食! 如果唔系大声带队, 相信未必会知度有间甜品店, 而大家都系第一次黎呢间食店, 加上作为黑食会嘅结尾真的非常完美, 所以笑脸系一定要比, 有机会都会再黎!
张贴
